El Correo

Dantza kontserbatorioa artista gonbidatua izango da San Petersburgoko 'Mugarik gabeko artea' nazioarteko jaialdian

José Uruñuela udal dantza kontserbatorioak lau eguneko bidaia bati ekingo dio bihar, azaroak 25, hau da, datorren 29ra arte, artista gonbidatu gisa jardungo baitu San Petersburgoko “Mugarik gabeko artea” nazioarteko jaialdiaren amaierako galan.

San Petersburgo eta beste hiri batzuen arteko adiskidetasuna lotu nahian antolatzen da jaialdia. Gazteak etikan oinarrituz prestatzea eta artistikoki garatzea da proiektuaren asmoa, Errusian zein munduan artearen eta kulturaren ordezkari onenak bilatuz.

Jaialdiaren barruan jarduera ugari antolatzen dira: ikastaroak, maisu-eskolak, irakasle eta lehiatzaileen eta ospetsuen arteko topaketak, gala-kontzertuak finalistekin eta artista gonbidatuekin… Hain zuzen ere, José Uruñuela udal dantza kontserbatorioak Arantza Susunagaren bi koreografia aurkeztuko ditu gala horretan: “Les Amis” eta “Madness”.

Recibe nuestras newsletters en tu email

Apúntate