El Correo

EGA Master Hiztegiaren aurkezpena

  • Hiztegia euskararen normalizazioan ere lagungarri izango da, erreminten sektoreko terminologia finkatua duten beste hizkuntza batzuen pare jartzen baitu euskara

EGA Master SA enpresak, Elhuyarreko Hizkuntza eta Teknologia unitateko terminologia-adituen aholkularitzapean, EGA Master Hiztegi teknikoa osatu du, zazpi hizkuntzatan: euskara, gaztelania, ingelesa, frantsesa, alemana, portugesa eta txinera.

Mundu mailan liderra da EGA Master arlo industrialean erabiltzen diren kalitate altuko erreminten fabrikazioan, eta bere katalogoko produktuen eta tresnen ezaugarriekin lotutako 2.700 kontzeptu inguru bildu ditu hiztegian, eta edonork kontsultatzeko moduan jarri Interneten, http://egamaster.elhuyar.eus/ helbidean.

Globalizazioaren eta nazioartekotzearen aroan, EGA Masterren jabetu dira estrategia linguistiko egoki bat izatea giltzarria dela lehiakortasunerako, bezeroengandik gertuago egoten laguntzen baitu. Bestalde, hiztegi hau euskararen normalizazioan ere lagungarri izango da, erreminten sektoreko terminologia finkatua duten beste hizkuntza batzuen pare jartzen baitu euskara.

Recibe nuestras newsletters en tu email

Apúntate