El Correo

World Press Photo erakusketak aurreko edizioan baino mila bisita gehiago izan ditu

  • Orotara, 11.260 pertsonak ikusi dute Montehermoso kulturunean jarritako erakusketa, zeina XIV. ediziora iritsi baita aurten

Hilabete ikusgai egon ondoren, joan den igandean itxi zen World Press Photo 2016 erakusketa. Aurreko edizioaren aldean, 1.075 bisitari gehiago izan ditu eta, orotara, 11.260 pertsonak ikusi dute Montehermoso kulturuneko ur-biltegian jarritako bilduma.

2003az geroztik aurkeztu ohi da Gasteizen prentsa-argazkilaritzaren arloko nazioarteko lehiaketarik garrantzitsuena den hori, eta urtetik urtera harrera hobea du.

Bereziki nabarmentzekoa da bisitaldi gidatuen arrakasta, aurten lehen aldiz eskaini baitira. Ia 2.000 pertsona baliatu dira aukera horretaz, horien artean, ikasle ugari (Urkide, Asafes, Olabide, Carmelitas-Sagrado Corazón, Ekialde, Koldo Mitxelena, Egibide, Arte eta Diseinuko goi-mailako Eskola, etab.).

Recibe nuestras newsletters en tu email

Apúntate