El Correo

Datozen bi urteetan, Gasteizek 832.000 euro inbertituko ditu argiteria publikoa mantentzeko

  • Gasteizko Udalak 416.000 euro inbertituko ditu urtean kanpoko bi enpresa kontratatzeko

Datozen bi urteetan, Gasteizko Udalak 416.000 euro inbertituko ditu urtean kanpoko bi enpresa kontratatzeko, udalerriko argiteria publikoa mantendu, onik zaindu, konpondu eta hobetzeaz arduratu daitezen. Izan ere, Tokiko Gobernu Batzarrak gaur goizean onetsi du kontratu horren lehiaketa. Guztira 832.000 euro izango dira.

Kanpoko enpresek beren bitarteko propioak (mekaniko, material eta pertsonalak) baliatuko dituzte udal taldeei laguntzeko egunero sortu ohi diren mantentze-lanetan, bai eta prebentzio-lanetan ere. “Helburua da berehala erantzuteko gaitasuna izatea kexa edo egoera berezirik sortuz gero, konponketak azkarrago egin ahal izatea, premiazkoak izanik geroko uzterik ez duten mantentze-lanak egitea eta bitarteko lagungarri handiagoak eduki ahal izatea. Azken batean, mantentze zerbitzua hobetzea”, azaldu du Gorka Urtaran alkateak.

Besteak beste, lan hauek izan daitezke: lurreko instalazioak ikuskatzea, instalazio elektrikoen segurtasuna bermatzeko; Gasteizko argiteria publikoaren egoera gauez ikuskatzea, zein farola dagoen itzalita eta zein diren alderdi ilunak jakiteko; kutxatilak eta kanalizazio elektrikoak ikuskatzea; buxadurak edo hondoratutako kutxatilak konpontzea, eta koadroetako maniobra xaflak ordeztea, aldian aldiko berrazterketetarako. Energia eraginkortasunarekin lotutako lanak ere egingo dituzte: pizteko ekipoak aldatzea, eraginkortasun handiagoa eta kontsumo txikiagoa duten lanparak jartzea, led teknologiara egokitzea, ordutegiak erregulatzea, eta koadro elektrikoak kudeatzea.

Recibe nuestras newsletters en tu email

Apúntate