El Correo

Norma Vazquezek indarkeria matxistaren inguruko mitoak eta zurrumurru faltsuak landuko ditu Laia Eskolan

Norma Vázquez feminista eta psikoterapeutak ibilbide luzea egin du emakumeei arreta ematean, eta bihar, asteazkena, indarkeria matxistaren inguruko mitoak eta zurrumurru faltsuak landuko ditu, Arabako Emakumeen Jabekuntzarako eta Berdintasunerako Eskolak —Laia Eskola— antolatzen dituen elkarrizketetatik bigarrenean, zeina 19.00etan egingo baita Dulantziko Kultura Etxean.

Antolakuntzarekin zerikusia ez duten arrazoiak direla-eta programan iragarritako Miguel Lorente Acosta hizlariak ez du hitzaldia emango. Haren ordez, Norma Vazquezek gure inguruan finkatuta dauden eta errealitatea argitasunez ikustea eragozten duten mito eta zurrumurru faltsuak identifikatu eta haiei aurre egiteko premia landuko du, indarkeria matxistaren aurkako borrokan aurrera egiteko.

Laia Eskolako lehenengo ikastaro honetako programa Arabako Lautadako Kuadrillako hainbat herritan egiten ari da, eta hainbat jarduera egiten ari dira, hala nola hitzaldiak, lantegiak, irakurketa kluba eta zineforuma. Informazio gehiago hemen: www.laiaeskola.eus

Recibe nuestras newsletters en tu email

Apúntate