El Correo

Udalak kultura eta kirolarekin lotutako zenbait hitzarmen sinatu ditu

  • EHUrekin kirola sustatzeko sinatutako hitzarmena berritu du, eta beste bat sinatu du APDEMA elkartearekin, adimen ezintasuna duten pertsonentzako kirola garatzeko

Estíbaliz Canto zinegotziak gidatzen duen Kultura, Hezkuntza eta Kirol Sailak proposaturik, Tokiko Gobernu Batzarrak kultura eta kirolarekin lotutako zenbait hitzarmen onetsi ditu, zehazki, EHUrekin, APDEMArekin eta Arrakala Koop. Elkarte Txikiarekin.

Udalaren eta Euskal Herriko Unibertsitatearen arteko lankidetza-hitzarmenaren bidez, EHUko Arabako campusean kirol irakaskuntzari eta ikasleen arteko sustapenari lagunduko zaie.

Izan ere, haien ustez unibertsitateko kirol eskaintzaren helburu bakarra ez da kirola praktikatzea, baizik eta prestakuntza osatzea, unibertsitateko ikasleen bizitza-kalitatea eta taldearen kohesioa handitzen laguntzen baitu.

Hitzarmenak bi xede ditu: batetik, Arabako campuseko ikasleen jarduera fisikoaren eta kirol jardueraren prestakuntza, irakaskuntza eta garapena; bestetik, jarduera fisikoa Gasteizko gazteen artean sustatu eta zabaltzea.

Horretarako, behar dituen instalazioak lehentasunez utziko dizkio Udalak unibertsitateari, ahal duen neurrian eta zentzuzko erabilera politika baten barruan; graduatugaiei ikasketetako praktikak edo praktika osagarriak egitea erraztuko zaie, eta unibertsitario pasea duten pertsonei kirol-instalazio orotan sartzen utziko zaie.

APDEMArekiko hitzarmena kirola garatzeko

Orobat, Kirol Zerbitzuak proposatuta, Tokiko Gobernu Batzarrak APDEMA elkartearekiko hitzarmena onetsi du, 24.759,32 euroan, adimen ezintasuna duten pertsonentzako jarduera fisikoak eta kirol jarduerak garatu eta sendotzeko.

Arrakala Koop Elkarte Txikiarekiko hitzarmena

Horretaz gain, Kultura Zerbitzuak proposatuta, Tokiko Gobernu Batzarrak Arrakala Koop. Elkarte Txikiarekiko hitzarmena onetsi du. Haien proiektuak, “Baratza Aretoa” izeneko areto independenteak, Gasteizen era guztietako arte diziplinak –bereziki antzezte arteak– ikertu, sortu, prestatu eta erakutsi ahal izateko espazio bat, teknikoki egokitua eta neurri handikoa, eskaintzea du helburutzat.

Udalak proiektuari lagundu nahi dio, eta horretarako 4.000 euro emango ditu hitzarmenaren barruan jasotako jardueretarako.

Recibe nuestras newsletters en tu email

Apúntate