El Correo

Larunbatean ikuskizun interaktiboa eskainiko da Gasteizen, umoreaz baliatuz hiriko bizikidetzaz hausnartzeko

Datorren larunbatean izango da ikuskizun interaktiboa, Urrezko Zeledonen plazan. Horren bidez, “umoreaz baliatuz elkarri nola begiratzen diogun aztertuko dugu, gure buruz barre egiteko eta egoera absurdu eta irrigarrien bidez elkarrekin nola erlazionatzen garen eta nola jokatzen dugun pentsatzeko“, azaldu du Bizikidetza eta Aniztasuneko zinegotzi Nerea Melgosak.

“Flux” proposamenean, Zaguango Teatro taldeak “aniztasunaren alfonbra gorria” zabalduko du Postetxearen aurrean, 13:00etan hasita. Jarduera hori Udalaren Bizikidetza Zerbitzuak sustatutako“Elkarrekin bizitzen ikasi” programaren barruko bigarren jarduera da: “programak elkarren arteko trukea, komunikazioa eta ezagutzarako espazioak sortu nahi ditu, gaurko denboraz gaindikoa izango den bizikidetza-eredua eraikitzeko erronkari erantzunez. Hausnartzen eta parte hartzen duten herritarrak, begirunetsuak eta konprometituak izatearen aldeko apustua da”, nabarmendu du Bizikidetza eta Aniztasuneko zinegotzi Nerea Melgosak.

Recibe nuestras newsletters en tu email

Apúntate