El Correo

Santanderreko, Altsasuko eta Corellako konpainiek hartuko dute parte Amurrioko Antzerki Amateurraren V. Erakustaldian

Amurrio Antzokiak hasiera emango dio gaur Antzerki Amateurraren V. Erakustaldiari. Beste behin ere, herriko Aimara Antzerki Taldeak antolatu du egitasmoa, Udalarekin batera. Aurten, honako talde hauen lan artistikoa ezagutzeko aukera izango dugu: Santanderreko Máscaras Teatro konpainia, Altsasuko Tarima Beltza eta Nafarroako Corella herriko Alhama de Teatro-Gat taldea. Máscaras Teatro konpainiak emango dio hasiera antzerki-erakustaldi honi, Amurrio Antzokian, “Yo me bajo en la próxima parada ¿Y usted?” lanarekin. Emanaldia gaur izango da. Hurrengo larunbatean, 22an, Tarima Beltza taldearen “Falstaff no cree en la otra vida” lana egongo da ikusgai. Antzerki amateurraren erakustaldi hau urriaren 29an amaituko da, Alhama de Teatro-Gat taldearen eskutik; hain zuzen ere, “El burgués gentil hombre” lana aurkeztuko dute. Sarreren salmenta

Erakustaldi honetako antzezpenak aipatutako larunbatetan izango dira, 20:00etan, eta sarrera bakoitzak 4 euro balioko du. Sarrerak aldez aurretik eros daitezke Kultur Etxean, eta baita egunean bertan ere, Amurrio Antzokiko leihatilan.

Recibe nuestras newsletters en tu email

Apúntate