El Correo

13.200 gaztek hartuko dute parte Igik eta AMVISAk proposatzen duten ingurumen hezkuntza programan

Herritarren ingurumen hezkuntza eta prestakuntza nahitaezkoa da gizarte-eredu eraginkorragoa eta inguruarekiko arduratsuagoa lortzeko bidean aurrera egiteko. “Lehen mailako tresna da ingurunearen ingurumen eta gizarte hobekuntzaren aldeko balioak, jarrerak eta konpromisoak sustatzeko”, dio IGIko presidente Iñaki Prusillak.

Ingurumen Hezkuntzako programak jarduera ugari eskaintzen ditu, eta askotariko gaiak lantzen: biodibertsitatea eta naturaren babesa, baratzezaintza ekologikoa eta elikadura osasungarria, energia-eraginkortasuna eta energia berriztagarriak, hiri hondakinak eta horien kudeaketa, eta uraren kudeaketa integrala. Adin guztietako ikasleei zuzentzen zaie eskaintza, haur hezkuntzatik hasita batxilergo eta prestakuntza zikloetaraino.

Jarduerak hiriko hainbat lekutan garatzen dira: Eraztun Berdea, Zadorra ibaia, Ataria, ura tratatzeko Arakako eta Krispiñako udal instalazioak, hondakinak kudeatzeko Jundiz eta Gardelegiko instalazioak, eta Olarizuko udal baratzeak, etxaldea eta lorategi botanikoa.

Ikastetxeentzako programak 20 urte bete ditu, eta dagoeneko ikasle belaunaldi oso bat igaro da horietatik: guztira, 200.000 ikasletik gora.

Recibe nuestras newsletters en tu email

Apúntate