El Correo

'DesAUTOxikatu' programan parte hartu duten pertsonek «oso positibotzat»

  • Mugikortasunaren Europako Astearen barruko ekimenari esker, astebetez joan-etorriak autoz egin ordez beste garraiobide iraunkorrago batzuk erabili dituzte

Mugikortasunaren Europako Astearen barruan Gasteizko Udalak Ingurugiro Gaietarako Ikastegiaren bitartez antolatutako ‘DesAUTOxikatu’ programan parte hartu duten pertsonak bat etorri dira esperientziaren balantzea egitean: “oso positiboa”. Dena dela, zalantzan jarri dute gerora erronkari eusteko gauza izango ote diren. Parte hartu duten bost pertsonek (bikote bat tartean) eguneroko zereginak autoa ezertarako erabili gabe burutzea lortu dute irailaren 19tik (astelehena) 23ra (ostirala) arte.

Oinez, tranbiaz, bizikletaz edo autobusez joan dira lanera edo gimnasiora, erosketak egitera, edo seme-alabekin eskolara, eta guztiokin partekatu dute esperientzia udalaren web-orriaren eta sare sozialen bidez. IGIren lehendakari Iñaki Prusillaren hitzetan, “autorik gabe bizi daitekeela erakusteko helburua ongi baino hobeto bete dugu, eta aldi berean, hirian mugikortasun iraunkorra hobetzeko ditugun gabezia nagusiak ezagutu ditugu. Udaletik zorionak eman nahi dizkiegu parte-hartzaileei, erronka onartu eta gainditzeagatik.

Halaber, gainerako herritarrak ohiturak aldatu eta garraiobide iraunkor eta osasungarrien alde egin dezaten kontzientziatzen lagundu dutela uste dugu”. Protagonistek “Etxe berdeak” programan ere hartzen dute parte, zeina Ingurugiro Gaietarako Ikastegiak babesten baitu. Erronkari aurre egiteko 30 euro kargatuta zituen Bat txartel bana eman zaie.

Recibe nuestras newsletters en tu email

Apúntate