El Correo

Seme-alabatzat hartutakoen eta haien familien arteko kultura eta arraza aldeak dira prestakuntza hitzaldi berriaren ardatz

  • Arraza eta kultura aldeak izango dira Cari Mac Kayk, urriaren 1ean, Ignacio Aldecoa Kultur Etxean eskainiko duen hitzaldiaren ardatz

Gizarte Ongizaterako Foru Erakundearen (GOFE) Adingabeen eta Familien Arloak berriro ekingo dio aste honetan seme-alabatzat hartuta dituzten Arabako Familientzako prestakuntza zikloari Cari Mac Kay familia bitartekariaren hitzaldi batekin, zeinek kultura eta arraza inguru desberdin baten hazteak dituen ondorioak jorratuko dituen.

Hitzaldiek, dagoeneko seme-alabatzat hartutakoak dituzten edo hartarako zain dauden familiei begira prestatuek, seme-alabak etxera heldutakoan, gurasoek izan beharreko prestakuntza areagotu nahi dute, seme-alaba horien jatorria estatuan zein nazioartean izan. Foru aldundiaren asmoa da hitzaldi horiek lagungarri izatea, adopzioaren inguruabarrak ulertzeko, eta familia horiei hezkuntzarako tresna hobeak ematea.

Arraza eta kultura aldeak izango dira Cari Mac Kayk, urriaren 1ean, Ignacio Aldecoa Kultur Etxean eskainiko duen hitzaldiaren ardatz. Gizarte langilea eta familia bitartekaria da, Bartzelonako Elizbarrutiko Caritasen lan egiten du eta jatorri ginear eta afroamerikarreko alabatzakoa da. Haren hitzaldiaren izenburua honako hau izango da: “¿Qué significa ser racialmente y/o culturalmente diferente a mi familia?”.

Prestakuntza ziklo hau azaroaren 12an bukatuko da, psikologo eta haur hezitzaile Elena Rodriguez Borrajoren saio batekin. Elena Rodriguez babesgabetasun goiztiarra jasan duten haur eta nerabeekiko tratamenduan aditua eta Alen zentroaren (Coruña) sortzaile eta zuzendaria da. Seme-alaba adoptatuen hazkuntzan trebeago izateko baliabideez arituko da bere hitzaldian. Saio horietakoren batean (adierazi zeinetan) edo bietan izena eman nahi izanez gero, egin 945274096 telefonoan edo ifbsinfancia@alava.net posta elektronikoan.