El Correo

Pilarreko adineko-talde batek bere bizi-kalitatea hobetzen ikasi du, auzoan barrena ibiliz eta eskaintzen dizkien baliabideak ezagutuz

“Osasuna Pilar auzoan dabil” bideoa eman da Europa jauregian; auzoko adinekoekin haien bizi-kalitate hobetzeko garatu den proiektua –garapen pertsonal eta sozialari zein harremanei arreta erezia ematen die– irudietan laburtzen du bideoak. Lanaren bidez biztanleria sektore horren arazo zehatzei erantzun nahi izan zaie, Pilarreko biztanleen % 38 baitira.

“Auzoa eta bertako gizarte baliabideak hobeto ezagutzeko aukera eman genien pertsona horiei, eta hitzaldi eta lantegien bitartez jaso duten prestakuntzari esker bizi-kalitatea handitzeko balio izan dieten trebetasunak sustatu dira”, azaldu du Gizarte Politiken eta Osasun Publikoaren zinegotzi Peio López de Munainek.

Proiektuan proiektuan parte hartu dutenak, besteak beste, leku hauetara joan dira: Habanako osasun zentroa, Pilarreko gizarte etxea, Francisco de Vitoria institutua eta adinekoentzako zentro soziokulturala. Bertan elikadura osasungarriari, erlaxazioari, aho eta hortz osasunari eta abarri buruzko hitzaldiak eta praktikak eskaini zaizkie.

“Oso ondo pasatu dute, beren auzoa hobeto ezagutu, beren burua hobeto zaintzen ikasi eta ingurune soziala zabaldu dutelako”, esan du López de Munainek. Orobat nabarmendu du programa Pilarren jarduten duten erakunde, pertsona eta gizarte eragileen sareko lanaren emaitza izan dela, “Udaletik eta Osakidetzatik hasita, Caritas eta Francisco de Vitoria instituturaino; udal teknikariengandik osasun langileengana, monitore eta dietetikako ikasleengandik igarota”.

Peio López de Munainek alderdi guztien inplikazioa eskertu du, proiektuan parte hartu duten adinekoen beharrizanei erantzun “integrala eta kalitate handiagokoa” ematea ahalbidetu baitu.