El Correo

Xtraclub programak 960 plaza eskaintzen ditu udazkeneko programazioan

  • Ekintzetan izena emateko epea zabalik dago jada

Aisialdia, kultura, kirola, bizitzarako aukera ezberdinak 12 eta 18 urte bitarteko gazteen artean sustatu nahi dituen Xtraclub programak udazkeneko programazio zabala aurkezten du urtero bezala. Gazteria Zerbitzuak bultzatzen duen programa honek, betiere, “gure hiriko gazteenentzat eskaintza anitza eta aberatsa eskaintzen du. Xtraclub, programazio bat izateaz gain, hainbat gazterentzat harremanetarako eta elkar ezagutzarako espazioa ere bilakatu da urteotan, asteburuetan aisialdirako aukera bat bilakatuz”, adierazi du Gazteria zinegotziak Iñaki Prusillak.

Udazkeneko denboraldian, berritasun gisa, Ideia gazteen Haziak lehiaketako aurtengo edizioko proiektuak txertatzea izan da. Horrela Latido vital, eskalada ikastaroa eta bortizkeri sexistaren aurkako bideo lantegia proiektuak Xtraclub programazioaren baitan sartuta gazteek eurak bultzatutako ikastaroak beste gazteekin partekatzeko aukera izango dute.

Guztira izen-emateko 39 ekintza aurkezten dituzte, 960 plazaz osatuak. Ekintzen erdiak euskaraz izango dira, gure hiriko gazteen artean aukerak sortuz euren aisialdian ere euskaraz bizitzeko.