El Correo

Aldundiak edateko ura eraman du zisterna kamioietan Arabako hainbat herritara

  • Iturburuetako ur eskasiak hornidurarik gabe utzi ditu Ziorraga (Zuia), Ormijana (Erriberagoitia) eta Lezama (Amurrio) herriak, bai eta Garobel mendilerroko abereak ere

Arabako Foru Aldundiak edateko ura eraman du zisterna kamioietan Ziorraga (Zuia), Ormijana (Erriberagoitia) eta Lezama (Amurrio) herrietara, une jakin batean hornidurarik gabe geratu baitira iturburuetako ur eskasiaren ondorioz.

Arabako Foru Aldundiak ura eraman du, halaber, Garobel mendilerroko abereen putzuak eta askak hornitzeko.

Aurrera begirako jarduerak

Arabako Aldundiaren Ingurumen Saila dagoeneko egiten ari da hainbat obra Artomañaren hornikuntza hobetzeko eta ur falta saihesteko iturburua agortzen den garaian. Milioi erdi eurotik gorakoa da obren aurrekontua, eta horien bidez konpondu egin nahi dira Amurrioko herri horren hornikuntza arazoak.

Ildo beretik, Aldundiak –Aiarako eta Garobel Mendilerroko Antzinako Ermandadearekin batera– Garobel Mendilerroko abereak hornitzeko ura ponpatzeko eta eramateko lanak finantzatuko ditu. Lanek 178.047 euroko aurrekontua daukate eta, kanalizazio berriarekin, Kobatako iturburuko putzua urez hornitu ahal izango da.