El Correo

Vitoria-Gasteiz Trail kirol probaren bederatzigarren edizioa izango da gaur

  • Armentiako basoan eta Gasteizko Mendietan zehar egingo da proba

Vitoria-Gasteiz Trail lasterketaren bederatzigarren edizioa korrituko da gaur Armentiako basoan eta Gasteizko Mendietan zehar. Probak Gasteizko Udalaren babesa du eta 15, 25 eta 42 kilometroko lasterketak izango dira.

Proba Cervantes ibilbidetik abiatuko da Eraztun Berderantz, Euskal Herriko natur gune baliotsuenetako batean zehar ibiltzeko, Gasteizko Mendietan zehar, hain zuzen ere.

“Guztiok dakigu gure udalerriak kirol-instalazio bikainak dituela, baina horretaz gain, baditu Eraztun Berde bitxia, hiriko eta hiriaren inguruko parke handiak, naturan jarduera fisikoa eta kirol osasungarria egiteko ibilbide ugari” adierazi du kirol zinegotzi Estibaliz Cantok, zeinek Vital Fundazioko zuzendari Josune Albizu eta probako zuzendari Eduardo Martinezekin batera aurkeztu baitu proba.

Bederatzi urte hauetan Vitoria-Gasteiz Trailak Euskadiko bi txapelketa eta taldeka egiten den Espainiako bi txapelketa hartu ditu bere baitan. Aurtengoan 700 parte-hartzaile izango ditu, gehienez, lasterketaren hiru distantzietan. Probaren edizioetan korrikalari bikainek hartu dute parte: esaterako Europako txapeldun eta munduko txapeldun orde den Raul Garcia Castan eta Andrea Garay gasteiztarra, Europako mendietan txapelduna eta iazko Vitoria-Gasteiz Trail probaren irabazlea.