El Correo

Foru Aldundiak lizitaziorako deialdia egin du suhiltzaileen parke zentrala izango denaren obrak esleitzeko 2.389.000 euroan

Arabako Foru Aldundiak lizitaziorako deialdia egin du prozedura irekiaren bidez esleitzeko Suhiltzaileen Parke Zentrala izango denaren obrak; Iruña Okan dira eraikiko da, eta lanak 2.389.653,71 euroan esleituko dira.

Arabako Prebentzio, Su itzaltze eta Salbamenduko Foru Plana abian jartzearekin batera hauteman zen Suhiltzaileen Parke Zentral bat edukitzeko beharrizana, Su itzaltze eta Salbamenduko Eskualde Unitate guztiei (SISEU) zerbitzu emateko eta lurraldearen erdialdeko eskualdearen beharrizanei erantzuteko, hartara Gasteizko parkeak berak ematen duen zerbitzua osatuz.

Iruña Okako udalerria, ikusirik non dagoen kokaturik eta zein komunikazio onak dituen, ezin egokiagoa da Suhiltzaileen Foru Parke Zentrala eraikitzeko, eta Udalak berak lurzati bat dauka horretarako los Llanos poligonoan; hala, hitzarmen bat sinatu zuten bi administrazioek, eta, hitzarmen hori medio, Udalak doan laga dio Foru Aldundiari bere jabetzeko lurzati hori. Horrez gain, bere gain hartzen du lizentzien kostua, eta, aldiz, Foru Aldundiak obrak gauzatu eta parkea lanean eduki behar du, udalerri horri ez ezik lurraldearen erdialdeko eskualde guztiari eskainiz zerbitzua.

Beste urrats bat da “Arabako Suhiltzaileak" organismo sortu berriaren helburua gauzatzeko bidean, hots, Arabako lurraldearen % 98ri zerbitzu eman ahal izatea 25 minutu baino gutxiagoko denboran.

Aireko eskaileradun ibilgailu baten erosketa esleitzea Suhiltzaileen Parke Zentrala izango denak, gainera, aireko eskaileradun ibilgailu bat edukiko du, zerbitzua hotzeko eta eraginkortasuna areagotzeko. Ibilgailu horren erosketa Iturri S.A. enpresari esleitu zitzaion, 550.000 euroan. Aireko eskailerak, lanerako ahalmenean, 30 metro har ditzake, eta bere azken beso artikulatuarekin balkoi eta teilatu lauetara sar daiteke. Aireko eskailera guztiz

automatizatua da, eta hainbat osagai tekniko ditu maniobra eraginkor eta seguruak egiteko, hala nola otzara automatikoki posizionaturik izatea, erabiltzailea igo dadin; mugimenduak blokeatzeko segurtasun sistema su hiltzailea haren tarteetan gora abiatzen denerako, haizeetatik babesteko kontrol mekanismoa; egonkortasun kontrola; iraultzearen kontrako segurtasuna; urrutitik diagnostikoak egiteko sistema, matxurak hauteman eta konpontzeko; eta beste hainbat.