Laudioko parkearen alde dantzan

Zure diziplina dena delakoa ere, egin ezazu bat SOS Laudioko Lamuza Parkea plataformak antolatutako koreografia lehiaketarekin! Ekainaren 12an izango da txapelketa. Izena emateko epea zabalik egongo da maiatzak 27 arte.

Aurten hiru kategoriatan banatu dute dantzaldia: haurrak (0-12 urte), gazteak (13-18 urte) eta seniorrak (18 urtetik gorakoak). Taldea gutxienez hiru pertsonak osatu beharko dute eta, gehienez, seik. Lehiaketaren oinarriak eta sariak www.sosparkea.com webgunean kontsultatu daitezke.