Nerea Lekuona gasteiztarraren proposamena eskainiko du Artiumeko Praxis programak

Artium Gasteizko Arte Garaikideko Euskal Zentro-Museoak Praxis programarren proiektu berri bat aurkeztu du, Nerea Lekuona sortzaile arabarraren eskutik. Artistaren proposamenean bat egiten dute komunikazioaren, publizitatearen eta diseinuaren munduak, batetik, eta gaur egungo testuinguruan artista eta herritar izateak, bestetik.

Apirilaren 10era arte Praxis gunean garatuko du Lekuonak proiektu hori, baina museoaren kanpoaldera ere aterako du, barruan zein kanpoan "harreman estua" sortuz ikuslearekin. Gainera, artistekin izan ohi diren solasaldietako baten protagonista izango da otsailaren 25ean, eta bere proiektuaz eta lan prozesuaz mintzatuko da, museo gasteiztarreko arduradunek jakinarazi duenez.