Diputatuen Kontseiluak nekazaritza eta ingurumen neurrietarako funtsa indartu du

Arabako Foru Aldundiak 35.409 euroko aparteko ekarpena egingo du nekazaritza eta ingurumen neurrien partidara, Diputatuen Kontseiluaren 2014ko abenduaren 9ko erabakiaren aurka jarri ziren berraztertzeko zenbait errekurtsori aurre egiteko.

Foru erakundeak 686.907,75 euro eman zituen Arabako Lurralde Historikoko 2014rako dirulaguntzen programarako, EAEko Landa Garapen Iraunkorreko Programaren (2007-2013) babespean. Programa horri, orain, 2.078,07 euro gehituko zaizkio, landa garapenerako erakundeekiko hitzarmenetarako; 20.000 euro, neurri teknikoak sustatzeko hitzarmenerako; eta 13.330,93 euro, animalien gorpuzkiak deuseztatzeko.